Nandalo teto izy (andriary)
Mbola tsisy niantsa
(Nalaina tao amin'ny vetso.serasera.org)
(Ho fampaherezana ireo tovovavy navela niady irery)Nandalo teto izy
Nitrotro zazakely
Tombanana nahantra
Toy ny nioty manta
Ny anjaram-pahasambarany
Namitaka ny lalany
Nandalo teto izy!
Ts'isy sori-tsiky akory
Na feo mba niloaka
Fa niezaka nandroaka
Ny ngidy tany anatiny...
Ny lasany tsy tantiny
Nandalo teto izy
Toy ny hoe namoy fo
Toy ny olo-malahelo
Toy ny mibaby helo
Feno ratra ny fony
Sady menatra ny any Ambony
Nandalo teto izy
Nahonena ny mahita
Ny ranomasony nilatsaka
Miady irery fa solafaka
Te-hanenina ny vitany
Te-hanozona ny ditrany!
NANDALO TETO IZY
Hay izaho no tsy nahita
Ny tena endriny sy bika
Fa tsy nisy alahelo akory
Na fiainanan'olon'ory
Vinaky teny an-tavany
Na naloaky ny vavany!
Fa raha nandalo teto izy
Dia hitako fa nisy
Hasambarana tsy mety dify
Nitoetra teo am-pofoany
Nampianatra ny hasoany
Ary raha nandalo teto izy
Ny ranomasony nilatsaka
No hafaliany nikatsaka
Ny fahendren'ny Mpandahatra!
Ny fahoriany nitsahatra!
Raha nandalo teto izy
Tsy nanenenany ny lasa
Hoe soloana zavatra hafa
Fa ny zazakely nampofoiny
No hasambarana tsy foiny!
andriary!
--------
Rohy:
Hevitra mandeha
monina
(
18/02/2005 13:17)
Indrisy!!!tsy hitako izay hambara fa mampihetsim-po...mampalahelo amin'ny voaloany nefa mampitsiky amin'ny farany!
Malalason
(
19/02/2005 15:58)
zany an! misatra an'se ny andriambavilanitra rehetra eny na izaho aza tsy hanenina ny lasa ...eny ny lasa
SOBIKA
(
24/02/2006 11:04)
nandalo teto aho nahatsairo fa any ho any misy miombona tomany sy miombitseto amiko hatrany.
misaotra anao mitondra hery; ho anireo navela irery
misaintsaina lalina fa hoe miady irery....
tsy ho kivy izy ireo fa kosa hiady ho mba ho anilay ampofoiny tsy hiverenan izany intsony ary hampiononona ny fony
misaotra anao mitondra hery; ho anireo navela irery
misaintsaina lalina fa hoe miady irery....
tsy ho kivy izy ireo fa kosa hiady ho mba ho anilay ampofoiny tsy hiverenan izany intsony ary hampiononona ny fony