Raha ho any ianao.(nosoratan'i ravaomanahirana sy andriary) (andriary)

RAHA HO ANY IANAO!


Raha ho any ianao
hiangaviako omeo azy
hafatra an-taratasy
izy hono hoe mbola ho avy
fa mbola sasatra miady

miady ity fiainana ...!

raha ho any ianao
bitsio mangiana izy
fa ny foko dia mitempo
ho azy irery ihany
ny vavako miventso
te ho eo anilany hatrany

fa tsy afaka manoatra!

raha ho any ianao
dia lazao marimarina
fa izy hoe manafatra
ny lokon-danitr'iny
mba ho tonga lafatra
ny fon'ilay tiany!

Mahatsiaro anao foana!

Raha ho any ianao
Dia ilazao ny amiko
fa tsy misy olon-kafa
na anara-mamiko
fa ny azy 'rery ihany
no ananako eto an-tany!

voadiko efa vita izany!

Raha ho any ianao!
dia ity no voan-dalana
vokatry ny foko
Ka tolory an-tanana
dia ny sariko miloko
fitia tsy misy fitaka
araham-betso mamy...

tongava soa mankany!

(ravaomanahirana sy andriary)
--------