Fitia mahery vaika (Antso's tafa)

Fitia mahery vaika,
Tsy takona afenina
ny ratram-po anaty
Ezahina harenina
vao mainka toa tsy tanty

Ny fidoboky ny foko
No hany feo reko
Toa rivotra mifofo
Mandrava izay jereko

Ny vetsovetsom-poko
Afeniko tsy hipoitra
Ny rofy sy toloko
Vao mainka toa mivoitra

Fa hovitra mahery
manetsika ny fo
Baiko toa manery
ny saiko mba hifoha

Raha fitia diso toerana?
Hozoniko ho faty!
Raha fitia indray miserana?
Tsy izany no hampitapy!

Saingy fitia mahery vaika
tsy resiko hovonoina
Fitia mampiraika
Sarotra soloina!
Antso's tafa
--------