Ty hasarotam-piaronao! (Antso's tafa)
Mbola tsisy niantsa
(Nalaina tao amin'ny vetso.serasera.org)
Ty hasarotam-piaronao!Anjaran'iza no hitsara
Ka hilaza fa tsy tsara
Ny mitia sy ny hotiavina
Moa izany azo lavina?
Ny fitia mora aorina
Ny anaty fo azo tsorina,
Ka raha mitia am-po mazava
Tsy voatery hisoka-bava
Fa ny maso dia mahavita,
Hahatonga azy hitsiriritra
sy hampiresaka ny vavany
Hanolorany ny tanany
Dia moa tsy hiaraka mangina?
Ilay mitia sy ilay tiana?
Lavitra mpanelingelina
Samy tia, tsy manenina
Fa ho loza mety ho antambo
Haharendrika ny sambo
Ty hasarotam-piaronao
Isanandro lava izao!
Antso's tafa(Bocassa)
10-01-08
--------
Rohy:
Sokajy :
Fitiavana
Mpakafy:
tiaraj
Hevitra mandeha
tiaraj
(
08/02/2008 19:37)
Ny loza marimarina dia ity tsy fanajana
Tsy fahampiampitiavana?Raha izany azo hialana
Saropiaro aho satria diso tiako loatra ianao
Ka na dia tsy hajainao aza, te hitraotra lava izao
Ity foko feno ratra, norasarasainao
Ekeko fa sitrapoko, safidiko tokoa ny hitia,
Saingy, raha azo atao re, mba asio fiheverana ny aty...
Tsy fahampiampitiavana?Raha izany azo hialana
Saropiaro aho satria diso tiako loatra ianao
Ka na dia tsy hajainao aza, te hitraotra lava izao
Ity foko feno ratra, norasarasainao
Ekeko fa sitrapoko, safidiko tokoa ny hitia,
Saingy, raha azo atao re, mba asio fiheverana ny aty...