Manako - Dogme Razafy

Azo vakiana?

Manako manako tsy tanan-doria
Ny fanahy avelon’itsy olon-drery
Toa feno mitobaka anefa tsy very
Misangy misangy amin’ny torom-baliha !

Zovy ary zovy no tsy hahare izany
Na ny any an-driaka sy izay lavi-tiana
Tsy maintsy voadona misento mangina
Fa avelo no teraka, embona ihany… !

Toa dasidasy, milanto milanto
Kanefa mafonja, mahery fiako
Kanefa manainga, manainga tsy miato !

Ny fofony ihany no sisa tsy tiana
Fa mamangivangy ny fasa-mangina
‘lay fasa-mangina hirarahan’ny rako.

26 Aprily 2022

Mombamomba

Mpanoratra : Dogme Razafy

Nampiditra : dogme
Daty : 19/01/2023
Mpamangy : 103
Mankafy : 1

Tononkalo hafa

Very Fo
Raozy
Nofiso...
Anjely
Fahavaratra
Tovovavy Malagasy