Nofiso... - Dogme Razafy

Azo vakiana?

Nofiso ange!
Topimaso adala, maherihery sangy
Te hitantara teny, miantsy milalao
An'hovitro ny fo, bita-tsy tafandry
Nofiso ange ! Nofiso hoe tiako ianao !

Nofiso ange!
Elakelan-trano hifampitaovan-tsika
Oroka sy sangy feno homehinao
An'eritreritra hoe: ny mitia tsy ditra
Nofiso ange! Nofiso hoe tiako ianao!

Nofiso ange!
Tononkalontsika toa sary hosodoko
Hafatra miafina milaza izao sy izao
An'aingan'ny fanahy toy ny aty foko.
Nofiso ange ! Nofiso hoe tiako ianao.

Dia nofiso koa,
Zanatsika roa alikalika kely...
Sahalahala amiko, mitovy aminao
Tan-paradisantsika, nofo fa anjely.
Nofiso ange ! Nofiso hoe tiako anao.

26 Oktobra 2022

Mombamomba

Mpanoratra : Dogme Razafy

Nampiditra : dogme
Daty : 22/01/2023
Mpamangy : 92
Mankafy : 0

Tononkalo hafa

Very Fo
Raozy
Manako
Anjely
Fahavaratra
Tovovavy Malagasy