O MBA MIVERENA! (Fidy Art Niaina)

Tiako malalan'ny foko
tsy foiko.
Namela toloko
fa tsy hadinoiko.
Mbola manantena
ka mba miverena !

Mila anao re ny fiainako
sy ilay fisainako
tsy mety mino
fa hifanadino
dia ho rava fitia,
miverena modia !

Ekeko efa zatra
ity foko maratra
voadonam-pitia,
fa sanatria ny hamoy fo
Miverena ry tiako tsy manam-paharoa

Izay tokoa angaha no anjara
ka dia ho tantara
mipetraka sisa
izaho irery no hamisavisa...
Ranomaso mijohy toa oram-panala.
Mba miverena moa re ry Malala

Tonga nitady anao hatraiza hatraiza
fa very mpitaiza
ka nirenireny
sy nanjeninjeny.
Eto an-tokonana no lasa vinany !
Miverena fa izaho miandry eto ihany!

Fidy Art Niaina Onjaniaina - 2017
--------