Tsiky malefaka (Frederic Rnf)

Ny tsikinao malefaka
No mampientana ny foko
Ny endrikao miramirana
Manome herim-batana ahy

Ny fijerinao toa ny ankamantatra
Mitondra hery toy ny herim-baratra
Izay mivimbina indrom-pitiavana
No mamelombelona ny fanahiko

Ny tsiky malefaka izay ananantsika roa
No atambatra mba hanome filaminana
Sy fiadanan-tsaina mba haharitra ela
Ny fifankatiavatsika izay vao novolena

Tsy ho afeniko aminao ny ato am-poko
Dia ireny fitiavana natolotro ho anao ireny
Mila ampianao tosika fa tsy ho efako irery
Mba tsy hisian'ny an-kiafina kobonina ao am-po

Ny feonao milantolanto tsy afaka an-tsofiko
No manome hery ahy ho entiko miaina
Mianoka hasambarana eo anivon'ny fitia
Rehefa eo anilanao iny ry tiako sy tsy foiko
--------