AKANIN'NY KAMBOTY (ikaloyna)

AKANIN'NY KAMBOTY

Mangina ny ao an-trano
manjombonjombon-dava
maso vonton-drano
tomany zany tava

Izoky efa sasatra
nitady izay hohanina
mitsiky na dia fantatra
fa mitady ho fanina
solon-dray tsy satry !

Ilay vaviaivo kely
manokona sosoa
mandimby lay reny
lasana tsy hifoha

Izandry etsy am-patana
manao tsipitik'afo
sy minono tanana
miandry ny sakafo
raha fantany, hono, mantsy ...

Jiro kely tokana
anaovana entimody
Ny lamba irakofana
lamban'ny kamboty !

ikaloyna
12/07/14
--------