Rehefa aty Andafy (Karako)

Nantsain'i ikalamako
(Nalaina tao amin'ny vetso.serasera.org)
Izaho aty ry Neny...
ka mandeha miantsena,
Mividy anana sy hena...
Tsy eo intsony i Soa
...Hay tokoa moa !

Izaho aty ry Neny...
ka manasa lamba,
mipasoka tsy mihamba
fa tsisy "Jacqueline":
voasolon’ny masinina.

Izaho aty ry Neny...
manatitra ireo zaza
na d'efa reraka aza
Fa tsy aty i Velo
‘bakoina hoe "Atero !"

Izaho aty ry Neny...
ka mandray angady
Fa tsisy asa fady :
tsy eo anie Rakoto
ho iraka sy boto.

Izaho aty ry Neny...
Manapaka kitay
Tsisy hoe tsy hay
Fa dia izaho ihany
No manao izany !

Izaho aty ry Neny...
mianatra mandrafitra
miasa sy finaritra
Tsy miandry "tanana"
mikoja izay ananana.

Izaho aty ry Neny...
Manao ny rehetra rehetra
Voatery miova toetra:
Tsy miankina amin'olona
Nefa tsy miolonolona !

Karako
Canada - 2013-08-07
--------
Rohy:
3388 4
Hevitra mandeha
Vanilia ( 22/11/2015 21:53)
tena marina
andriamanampisoa nomenjanahary nicolas ( 13/12/2015 06:21)
marina izany
Hametraka hevitra
Midira aloha
Momba ny tononkalo
Mpanoratra : Karako
Nampiditra : karako
Daty : 07/08/2013 19:53
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.0152