AZY IRERY ( POETA ) (KIRIAH )
Mbola tsisy niantsa
(Nalaina tao amin'ny vetso.serasera.org)
Tsy avelan ' ny eritreriny mihetsika ny vatany.Fikirin ' ny fijeriny hitempo anaty tratrany :
ny omaly zay tsy fantany, ny ampitso hosoratany....
Tsy avelan ' ny eritreriny mitodika ny lohany.
Fikirin 'ny fijeriny 'zay mety ho ambiroany :
ny omaly tsy hifohany, ny ampitso zay horohany...
Dia io fa lasan ' izy ,
nanaraka ny vetsony,
mihaino ny eritreritreriny,
mamadika ireo sary,
any an-dohany any.
saingy .... AZY IRERY IZANY !
Hataony tononkalo
ireny rehetr' ireny,
rehefa injay ny vatany
rehefa injay ny lohany :
avelan ' ny eritreriny,
avelan ' ny fijeriny,
hiverina eto an-tany
mba hitantara izany.
KIRIAH
--------
Rohy:
Sokajy :
Eritreritra mandalo - Aingam-panahy
Hevitra mandeha
raozigasy
(
16/11/2012 08:59)
Dia nisidina izy teny rehetra teny
Ny sainy lasam-borona, ny jeriny nanjeny
Ny fanahy sy ny ambiroa, Ny vetso sy ny sisa,
Eny an’habaka eny, mikorisarisa
Manangona ny tsiahy, sy omaliny rehetra
Ireo nofy adaladala, ireo tsiaro etsetra etsetra
Ny sainy lasam-borona, ny jeriny nanjeny
Ny fanahy sy ny ambiroa, Ny vetso sy ny sisa,
Eny an’habaka eny, mikorisarisa
Manangona ny tsiahy, sy omaliny rehetra
Ireo nofy adaladala, ireo tsiaro etsetra etsetra
kiriah
(
05/12/2012 20:50)
Mifantoka any ho any
Ny jerin'eritreriny
Variana manontany
Tamana maminany
Ka mila tsy ho voaveriny
Hitodika eto an-tany
Mifantoka any ho any
Satria izay no heveriny
Ho faratampo-mamy
janahary ( Ratolojanahary.D.S)
Ny jerin'eritreriny
Variana manontany
Tamana maminany
Ka mila tsy ho voaveriny
Hitodika eto an-tany
Mifantoka any ho any
Satria izay no heveriny
Ho faratampo-mamy
janahary ( Ratolojanahary.D.S)
