GEJA - KIRIAH

Azo vakiana?

Fa topy maso monja
Dia ampy namantarako
Ny fonao te hiteny
Anatiny ao mangina.
... Kanefa atao ahoana
Fa ferana ny tenany
Tsy hamboraka ny tsiarony
Sy tsy ariny hovolanina.
Toa fantatro sahady
Fa mafy ny fidobok'
Ilay tia fa zary moana,
Rarana tsy hanambara
Ny teny anaty miafiny.
Ka na hidradradrada
Hilaza ny aminy aza
Tsy ho ren'ny hafa akory
Ka dia mandefi-teny,
Mangina fa voarara,
Mipitrapitra irery
Tsy manana amborahana
Ny tsy aritra kobonina.
Dia topy maso monja
No entina hanafarana
Ny sendra mba mandalo.
Manganohano ihany
Fa tsy afa-mitomany.

Dia topy maso koa
No hany nahalalako
Ny fonao te hiantsampy
Akaikin'ilay fo
Irianao mba ho namana,
Kanefa atao ahoana
Fa fatotra mangeja
No tazona mamikitra
Tsy hay vahana intsony.
Ka na hisindaka aza
Tazonim-bona foana,
Tsy afaka hitoetra
Anilan'ilay fo
Nofisina ho sakaiza.
Koa dia mitoka-monina
Sy tsy voavangin-kavana,
Mangaina tsy afa-miantso,
Tsy afaka mamindra.
Dia topy maso sisa
No entiny anehoany
Ny alahelom-pony
Manembona 'lay tiany

janahary

Hevitra mandeha

Malalason (13/07/2013 14:04:45)

gtopi-maso monja
ekeko fa manonja
.....

Mombamomba

Mpanoratra : KIRIAH

Nampiditra : kiriah
Daty : 13/07/2013
Mpamangy : 870
Mankafy : 0

Tononkalo hafa

Sekoly ambony
ATSY ANANONA ATSY
MIOMBON' ANTSA
VOASORATRA
HISY AHY
HIRAN' ny KINTANA
SAMBON'ADY
IZAHO sa IZY ?
NGAHY LE MAIRE Ö !!!
2 MINITRA sy 31 SEGAONDRA