You are here: home > Vetso

ISAORAKO - KIRIAH

Azo vakiana?

Isaorako ihany, isaorako anao
irony tomany , zay navelanao
nandràtra ny foko, nameno toloko
satria mantsy ireny
no niova ho hery
sy andian-teny,
natambatambatro
ary nasandratro
ho tononkalo
vakian ny mpandalo

Isaorako mihitsy ,isaorako koa
irony indrisy ,izay nahavoa
satria izy ireny, nanampy ombieny
ny aingam-panahiko
ka tonga haiko
ny Nanambara
sy Nitantara
miavaka tsara
ilay Namolivoly
ary koa Nanangoly

Ireo fahoriako , sy fijaliako
ireo ranomaso, irony ankaso
ireo mafy rehetra, sy reo heri-setra
tsy ho voatanisa fa tsiahy ihany sisa
dia isaorako etoana
isaorako foana
SATR ' IREO MITAMBATRA
no AMBOARA-KAFATRA
naha-tonga ahy
sy zay vita hatr izay
ho ANGOLA IRAY.


MISY TONONKALOn i HASINIONY hoe  ""VALIHA "" ,  zay milaza fa : "" ny mpanoratra dia tahaka ny valiha ka raha tsy voasilaka ny fo-ny tsy maneno tsara ""

    

Hevitra mandeha

umassac (22/08/2012 13:37:52)

ok ! mampahery