Ny andro anio (Lantorose)

Ny andro anio ve mba ho tsara?
Sa handrafitra Tantara?
Tantara rakotra alahelo
Ranomaso sy toreo.

Ny andro anio ve mba hamiratra?
Ny masoandro mba hihiratra ?
Sa ho rakofan'ito Rahona ,
Mampihorohoro sy Mandrahona ?

Ny andro anio ve mba hafana ,
Mba hampifaly sy ho tsara?
Sa hangatsikan'ny fanala
Sy ho tataovin 'ny hatsiaka ?

Ny andro andro anio zay ankamantatra
Ny ho avy mbola tsy fantatra
Asa lahy hanao ahoana !
Izay hatolon'ny fotoana
--------