N Y A I N G A N ' N Y P O E T Y (Mikalo nantenaina )

Mbola tsisy niantsa

Hangataka antsa
(Nalaina tao amin'ny vetso.serasera.org)
Taratr'andro osaosa
Manainga ny embona
hamangy an'ankaratra,
. . . dia iny nisosa
Nanaraka mora,
Nivoaka imolotra ny aingam-panahy . . .
Mitety onjan-drano
tsy mety voafetra,
Mamoha ny ambiroan'ny maty rehetra!
Kanefa, mandevina ny tsiahin'olombelona,
. . . dia iny nipoitra
Nitrebona an-tsaina,
Manetsika hozatra
mamory ny hery...
Ilay aingam-panahy toa misitery!
Nisoka tsy taitra
Nananika ny abaka,
tsy mety mangina
Fa . . .
Nihira ny vetson'ny fo sy ny saina,
Manao hosodoko ny fiaina-mandalo,
Manainga tsy maika
ny olo-malaina.

...MIKALO NANTENAINA
--------
Rohy:
535 1
Mpakafy: mikaloofficiel
Hametraka hevitra
Midira aloha
Momba ny tononkalo
Mpanoratra : Mikalo nantenaina
Nampiditra : mikaloofficiel
Daty : 05/11/2020 09:20
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0144