NY HADALANAO IHANY (MPANAZARY)

Lay tanana teo fahiny
Lasa aiza ankehitriny?
Ketraka aho,torovoka

Ilay farihy nanganohano
Aiza?efa ritra tsisy rano
Efa tototry ny vovoka

Dia izao ve sisa no niafaranao ry tany mamiko
Iza laotra no nahavita izao ka mijoro ho fahavaloko
Lozanao izay nanimba tsy nihevitra ny ho avy
Fa ny hetraketrakao no nahatonga ny fanavy

Mba mandry ihany ve ny eritreritrao ry mpigafy
Fa ny hasomparanao anie no nahatonga ahy tsy hitafy
Misaringimborodamba,tsy mahita izay hoanina
Ka nianjera, lavo mafy,potraka satria fanina

Dia ny hadalanao ihany tokoa ve ry olona?
Ka nanjary nifandringotra sy nifampitolona
Amin’ity fahantrana zakaina eto an-tany
Asa! tsy haiko! hadalanao ihany
--------