NY JALIKO - MPANAZARY

Azo vakiana?

Mangidy toy ny tangena
Tsy zakan’ny olombelona
Ity fahoriana sesehena
Efa mila tsy voatelina

Misahalatsiro amin’ny vahona
Mafaitra sarotra ambara
Efa mila hampiteny ny maona
Ka atahorana hampizarazara

Mavesatra manindry toy ny vato ao ankatoka
Mangirifiry maharary toy ny dian-kapoka
Mangotsoka manaintaina toy ny fery vao
Mikorontana mifamaofao  ao andohako ao

Ny fahoriko angamba tsy miantraika aminao
Fa ny ahy aloha efa mila tsy hay zakaina
Ny fijaliko angamba tsy mitovy ny anao
Fa mafy ny ahy ka mafy,miantraika amin’ny aina

Mombamomba

Mpanoratra : MPANAZARY

Nampiditra : SIOKATOKANA
Daty : 08/08/2011
Mpamangy : 1156
Mankafy : 1

Tononkalo hafa

TAMBERIM-PITIA
RAHOVIANA NO HIPOSAKA?
RY TANIKO
IANAO NANDALO
RY FAHANTRAKO
LAKAN-JAHATRA
NOFY LALINA
IANAO
TSIAHY
NY HADALANAO IHANY