Lasa ianao (Nalison Randrianaivo)

Lasa ianao

lasa ianao nandao
niova tiana vaovao
fa izaho navelanao
nangahiahy toy izao

lasa ianao tsy tana
fa hoe leo, tsy tamana
fa izaho navelanao
nangina irery toy izao

lasa ianao nidila
lasa nangingina
fa izaho navelanao
manirery toy izao

lasa ianao nifindra
any an-kafa, fa izaho
ilay tsara famindra
kanefa tsy tianao

lasa tsy nanao veloma
lasa ianao ka nandona
ny ambavan'ity foko
voatery nitoloko, nitokoko
--------