Masina ny Tanindrazana - Nalison Randrianaivo

Azo vakiana?

Masina ny Tanindrazana

Ry Malagasy handeha isika hifidy
Handray ny andraikitra, hanefa ny adidy
Kanefa aoka isika mba handinika tsara
Mba tsy ho voafitaka intsony I Gasikara

Maro loatra mantsy ireo miteny
Milaza fa hoe tia ny fireneny
Kanefa kobaka am-bava fotsiny ihany
Fa rehefa lany izy tsy miraharaha an'izany

Maro loatra mantsy ireo tia tena
Mpanao kolikoly sy mpanangona harena
Ka aoka isika tsy ho voasarika izany
Mivavaha mahereza minoa fotsiny ihany

Ry Malagasy havako namako
Teny kely ihany no voasoatry ity tanako
Fa manantena aho fa hahay hifidy isika
Ho fanavotana ny tany mamin-tsika

Izay tafalatsaka anaty fahantrana lalina
Koa samy isika misaina sy mandalina
Mbola haverina ihany ve ny fitiavan-tena?
Ampy angamba izay ry mpambotry firenena

Masina ny Tanindrazana

Hametraka hevitra

Midira aloha

Mombamomba

Mpanoratra : Nalison Randrianaivo

Nampiditra : nalisonrandrianaivo2018
Daty : 19/10/2018
Mpamangy : 385
Mankafy : 0

Tononkalo hafa

Atsaharo
Tsy misy mahavita tena
Tena fitiavana.
I Neny
Ny Zanako.
Takariva amoron-drano
Sakaiza manody.
Mahalalà tsy tiana
Tamberim-pitia
Fitiavan'i Neny