Handroso fa matoky (Ny zo Rado Herizo)

Hisy ady tsy ho mora
hisy eso sy akora
hisy lalana malama
eny an-dalana hombana
Nefa Tompo tsy hanahy
Fa hijoro ka ho sahy
N'inon'inona hisakana
Dia hatoky anao ry Ray mpitantana

Mety ho kivy sy ho ketraka
mety hiharan-hetraketraka
mety hilaozan'olon-tiana
ka ho irery sy hangina
Tsy hihemotra ry Tompo
Fa HANDROSO hatrany ity mpanompo
N'inon'inona hisakana
Dia HATOKY anao ry Ray mpitantana

Ny zo
--------