Noelin'ilay mpanasa lamba (Ny zo Rado Herizo)

Noelim-pifaliana
Noelim-pihobiana
izay no nantenaina
izay no tao an-tsainy
ary tena nandrandrainy

dia niezak' izy niasa
nipasoka, nanasa
mba hisy ambim-bava
ankoatran'ny sakafo noheveriny ho sahaza

dia tonga ary ny Noely
fa saingy tsy hafakely
fa toy ny isan'andro
zara raha mahandro
Mitohy koa ny asa
mipasoka, manasa
Kanefa andro Noely
Lay andro hafakely

fa raha ny tao an-tsainy
sy ny nantenainy
dia noelim-pihobiana
noelim-pifaliana

Ny zo
--------