INONA ÀRY IZANY ? (Ravanondrazana)

INONA ÀRY IZANY?

Natao hakasokasoka eny fotsiny dia izay.
Natao haverimberina amin'ny faritra iray.
Natokana ho raisin'ny tàna-manavanana.
Tsy zavatry ny làlana fa zavatry ny trano,
Tsy mba maty an-drano...
Mazàna tsy tsaroan'ireo tsy mivaky loha.
Tsy misy mampanahy, tsy zava-mora lò.
Natao mba ampiasain'ny vavy sy ny lahy.

Jerena mody kely fa manongotra tsy nahy.
Izy fisapisaka,
fa kosa mampifitsaka ny toerana lalovany.
Mivadika ny lohany? Mibona ny rehetra !
Soa tsy misy fetra no atolony isan'andro,
indrindra ny maraina miposaka masoandro.


RAVANONDRAZANA
16 Novambara 2022
--------