MATY ILAY FANAHY - Joda Razakasoa

Azo vakiana?

MATY ILAY FANAHY...

Ry lanitra o! Misokafa...
Vangio am-pitoniana ny varavaram-poko,
foana va ny tafa?
Nifamaliana an-kira novetsoina sy nantsoiko!
MATY ILAY FANAHIKO...
Mandry am-piadanana anaty fasany any,
kanefa tsy sahiko
Ny hamongotra ny razan'izany avelo izany,
ny hiady lavaka...
Ny hangady vovoka sakaizan-drangolahy
sento miavaka
mamoaka feo mangina..."MATY ILAY FANAHY"
Ry lanitra o! misokafa...
Fa ianao ihany no fasana ilevenany,
rano nanasa
Nanakobana ny tongony nampikopaka ny elany
ianao ihany...
Ilay nisintona ny tanany namikirany ny tompony
Italahoako androany !
Fohazo izy hiverina f'eo an'oroko ny fofony,
Mbola tena manitra,
oh! Ry lanitra fasan'ny fanahy nindramiko!!!!
laingo maranitra,
Mafy fanindrona ilay hiondanako sy mamiko,
Kanefa nandao!
Nihintsana mora toa ravina zakarandaha,
Ao anatiko ao...
maneho faharesena fa "MATY ILAY FANAHY"
Fanahim-poezia!
Nitoetra tao am-poko,
Indro,antsoiko...
Miverena,mbola mankafy...


Joda Razakasoa

Hametraka hevitra

Midira aloha

Mombamomba

Mpanoratra : Joda Razakasoa

Nampiditra : 03314
Daty : 03/04/2019
Mpamangy : 157
Mankafy : 0

Tononkalo hafa

RENESO
IO SORATRA IO
ALEO IZAHO HANGINA
ANJARA EFA NEKENA
NAKATOKO NY VARAVARANKELIKO
RIVO-PAHAFATESANA
AZA AVELA HO MAINA
Sendra
NAHOANA!?
EFA TAONA MARO