ALEO NY FASANA NO AKANY… (RRAG)

ALEO NY FASANA NO AKANY…
Ry Mevakeliko tsy foiko,
tsy vitako ny handao.
Toa manery ny am-poko,
ny hiady ho anao.

“Aza mitomany,
ry Mahefan’ny fitiavako.
Aleo izany ho any,
mangina! Mangina re rahavako.”

Tsy zakako! Tsy zakako!
Ry Mevakelim-pandeferana!
Tsy tantiko! Eny toa tsy tantiko,
raha toa ny antsika ka hoferana.
Ka hoterena ianao handao,
ilay akanim-pitiavako.
Dia ho asiana raorao,
handotoana indray ny tavako,
eo imasonao!

“Mahefa ah! Aza manahy akory,
fa ny am-poko tsy mba levona.
Tsy mety resi-tory,
fa vao mainka aza mievina,
mahatsiaro anao,
‘lay tokan-tsy nandao.”

Aleoko fasana no akany,
raha toa samy ho fijaliana.
Any lavitra tomany,
na dia akanim-pahoriana.

“Aleo ny fasana no akany,
raha toa hampiray antsika,
ry Mahefa! Aza mitomany,
fa ho iray isika!”
RRAG
10 Mey 2012
--------