ANDAO HANDRAMANA... - RRAG

Azo vakiana?

ANDAO HANDRAMANA...
Lakalaka ny fiainana, tomefy alahelo,
ny tsiky sy sento, mandalo avokoa!
Ny raho-matevina, tia mihelohelo,
dia ny lasam-pitiavana, nanindrona fo!

Eo ny mangidy, no te haka faka,
hamelan-tsara, hanaira-maso.
Eo koa ny mamy, no ilay voambaka,
raha sendra safidy, mangero-matsatso!

Ny hafaliana toa fanantenana,
mandalo miserana, tsy tana tazonina!
Ny fahoriana anefa tamana,
mifiki-miraitra na dia ozonina!

Andao handramana, ny mamboly fitia
raha toa hahazo fototra!
Ireo lasa ratsy fony vao niara-dia,
atao tsara tototra.

Hifamela heloka, na dia tsy hifamerina,
ny tia sy ny tiana!
Hevero hoe: "Indray mipimaso, dia mifamerina
eny ambony fandriana!"
RRAG
29 Oktôbra 2021

Mombamomba

Mpanoratra : RRAG

Nampiditra : RRAG
Daty : 29/10/2021
Mpamangy : 232
Mankafy : 0

Tononkalo hafa

IZANY VADY IZANY…
EO...! (19 Janoary 2022)
IZAHO...! (25 Febroary 2022)
KOA RAHA TSY MITAPY…
INDRISY...! (18 Aprily 2022)
INDRAY NITETE...
TSIARO TIANA...
NIANATRA NITIA...
NISARAKA HONO…!
"LOVE" AKIA NY FO A!