FITIA TSY MISY TAMBINY... (RRAG)

Andao isika aloha hidera ny Tompo fa alahady ny andro e!

FITIA TSY MISY TAMBINY...
Nodiako tsy re, ny tambitambinao.
Nodiako noviliana, ny lalan-janakao.
Fe ankehitriny, masison'ny ota aho.
Dia niverina indray aho, teo akaikinao.

Tompo ô! Tena tsy mendrika aho.
Tsy mendri-pamelana, avy aminao tsy toha.
Tompo ô! Mifona aminao,
fa tsy nahalala akory, izay tena soa.

Niezaka nandika, tsy nisy hambahamba,
ny sora-masinao, avy amin'ny mpaminany.
Tompo ô! Ninia tsy nijery, eny tena jamba,
fa nihevitra hatrany, fa ho ela eto an-tany.

Ka raiso re ry Tompo, ny fifonam-poko,
ilay efa te hiova, hiala hadalana.
Hafa ihany mantsy, ny fitiavanao 'lay Tompo.
Fitia tsy misy tambiny, sady tsisy akamakama!
RRAG
04 Febroary 2018
--------