FITIA TSY TAFATOMBINA… (RRAG)
Mbola tsisy niantsa
(Nalaina tao amin'ny vetso.serasera.org)
FITIA TSY TAFATOMBINA…Tsy banga, toa tsy feno,
ny masoko variana, mitazana ny lasa.
Ny antsoko, tsy heno,
ny foko manin-tiana, manina ny kasa.
Saingy lasa ianao, toa hoe: “Tsy ho namako intsony”.
Lasana nandao, tsy nanao veloma akory!
Dia tavela irery, miandry anao hiverina,
sanatria, sanatriaviko, ny hanery fo hanenina,
fa hoe nilaozanao, ka tsy ho tafatombina.
Tsy hahazo akory, fitia sombintsombiny,
avy aminao intsony.
Fitia tsy nitombina, toa tsy tafatombina,
tsy hita fiandohana, saingy tonga fiafarana.
Manam-petra koa, raha mbola ferim-po!
Fitia tsy tafatombina, mamatotra ny lasako.
Fitia sombintsombiny, no fototry ny ràtrako.
Raha toa tsy ho ahy ianao, dia faka tsy hitsiry.
Ny tsy eo anilanao, toy ny raozy, maina tsy maniry!
RRAG
01 Martsa 2013
--------
Rohy:
