FITIAVANA HALATRA… (RRAG)
Mbola tsisy niantsa
(Nalaina tao amin'ny vetso.serasera.org)
FITIAVANA HALATRA…Noraisiko tan-tanako,
ny sioka iray mangina ny rantsam-batanao,
ary nofandrihako,
satria noheveriko ho lasim-po vaovao.
Notsofiko ny jiro,
nakimpiko ny masoko,
toa tazako ny ivo,
ivon’ny ankasoko.
Nahidiko moramora,
ny varavaran’ny efitro,
ny latsalatsanao,
izay efa toa tsy lefitro.
Notambazanao tsiky,
nifangaro tambitamby,
ny fitiavana ‘zay nentiko.
Saingy zary nampamangy,
fa ianao dia efa dify,
raha vao nahitatra ny feriko.
Natsipiko ny akanjoko,
toa miendri-pahatezerana,
mba ho tsinapanao, kanjo!
Zary fihetsika hanenenana,
fa vao mainka nampirintona,
anao hiala ilavitra,
fa leo ny mifampisintona,
noho ny fitiavantsika halatra.
RRAG
21 Jona 2012
--------
Rohy:
