GASY AHO… (RRAG)
Mbola tsisy niantsa
(Nalaina tao amin'ny vetso.serasera.org)
GASY AHO…Gasy aho fa tsy hihambo,
ny fireneko Gasikara!
Ka tsy hananako atambo,
raha misy hitetika ny hizarazara!
Gasy aho ka tsy hiaiky,
ny ady seza ataonareo!
Gasy aho ka tsy hanaiky,
ny fitiavan-tena aseho!
Ka na ho latsa na ho eso,
no hanerena ahy hangina,
dia mbola ambarako eto,
fa mbola ataoko fanahiniana,
ny hanenjika ireo,
Gasikely mpandrava!
Ny hamonja azy ireo,
tsy hahita ny mazava!
Gasy aho fa nahoana,
no misy ny Gasy, refona noana,
tsy mahita ny arapaka.
Eny, na dia efa mangataka!
Gasy aho nefa kosa,
raha ny toetra ato anatiko,
dia tsy tia fosafosa,
na misy aza tsy tantiko.
Gasy aho,
Gasy ianao,
ka andao isika ireto,
iaraka hiady sy hiray sento,
amin’ny sedra mamatotra ny firenena,
mba ho amboara tokana, dia ny fandresena.
RRAG
Aprily 2012
--------
Rohy:
