HANITRY NY VERO… - RRAG

Azo vakiana?

HANITRY NY VERO…
Miavaka sy tokana, ny haingon’ny natiora.
Ny hazavan’ny volana, no mahavelon-kira.
Ny endriky ny kintana, no mampiray fitia.
Ny tsikin’itsy vintana, no nahatonga hiara-dia.

Ny hanitra mandrakotra, ny fo mitia mangina,
no vero tsara tsiry, anaty faniriana.
Manosika ny fo, hizara fifaliana,
amin’ny hanitry ny vero, fanolotra ny tiana.

Ny hanitry ny vero, dia seho natoraly,
famafa ireo taraina, anaty fo mijaly.
Famatotr’ireo toky, vita tamin’ny vava!
Fitahiry am-boky, ny hakantom-pahazaza.

Ny hanitry ny vero, dia siokam-boromanga.
Fanantenana ela, re manangasanga.
Manatona ny fo, ilay diso fanantena.
Mizara ireo soa, tanaty fahendrena!

Ny hanitry ny vero, fanalahidin-tsento.
Famafa ny tomany, fandefy iretsy vetso.
Famboraka fitia,  fizara alahelo.
Hafa ihany lahy, ny hanitry ny vero!
RRAG
11 Janoary 2013

Hametraka hevitra

Midira aloha

Mombamomba

Mpanoratra : RRAG

Nampiditra : RRAG
Daty : 17/01/2021
Mpamangy : 45
Mankafy : 0

Tononkalo hafa

VETAVETAINY….
MATIMATY FOANA SA?
FO VERY...
KISARISARY FOTSINY...
TSY MISY HANIRY...
ANAKA...
SANATRIA KOSA ALOHA…
ITY FAHOTAKO…
AIZA IREO KARENJY?
IANDRASO AHO RAHA HO ANY IANAO…