HINDRANA... - RRAG

Azo vakiana?

HINDRANA...
Hihindrana tsiky aminao aho raha mety,
hitarafan'ny foko izany hafaliana.
Tsapako an-tsaina hoe tena mirenty,
mamira-jerena ity fitsikiana.

Kanto tokoa sady tena bikàna,
ianao 'lay mitsiky an-tava sariaka!
Ny masoko aza, tena tamana,
mahatsapa ny onjam-pitiavan-tafita!

Tena hihindram-pitia aminao aho retsy,
hanadinoana ny lasa sy vita!
Fitia lalim-paka sy koa tsara tefy,
tohofan'ny mamy 'zay tsy mety ritra!

Eo ampindramo ny foko ny sento,
rehefa iny ianao mitepo fitia!
Hindramiko koa ireo hira fivetso
-nao 'reny isika tafara-dia!
RRAG
19 Aogositra 2021

Mombamomba

Mpanoratra : RRAG

Nampiditra : RRAG
Daty : 30/09/2021
Mpamangy : 277
Mankafy : 0

Tononkalo hafa

NISARAKA HONO…!
"LOVE" AKIA NY FO A!
VATO MIKITOANTOANA…
NIVOLY SANATRIA...
TSY NIHOMANA...
NY FIANTOMBOHAN’NY FARANY…!
MISY TSY MISY…!
TOA TEO AVOKOA…
ETRE UN HOMME
NY ENY SY NY TSIA...!