HOROHORON'ITY FOKO...! (RRAG)
Mbola tsisy niantsa
(Nalaina tao amin'ny vetso.serasera.org)
Fotoanany ve izao? Asa ah? Anao no mandinika!HOROHORON'ITY FOKO...!
Tsy kisendrasendra ve, no nahitako ity anjely?
Bikàna ery anaty tsiky, mahafinaritra ny jery!
Manintona ahy sy ny atim-poko, babonao sahady aho,
jereo 'ty izy mitoloko, ka babo hatramin'ny fanahy!
Mihorohoro izy izao, te hamihina anao,
renao ve izy mitalaho, izay mba te ho namanao?
Te ho tokana ho anao, hikolokolo voninkazo,
mahatokisa fa raha 'zaho, dia tsy hamelanao halazo!
Mihovitra ry tovovavy, mientanentana 'ty foko,
vaky hatramin'ny tomany, kinanjo resin'ny toloko,
mipararetra ny atin-tenako, te hitroatra mba ho anao,
ka tsy rariny ve, ny hahazoako, ny fitiavanao?
RRAG
14 Jolay 2017
--------
Rohy:
