JAMBA HONO AHO… (RRAG)
Mbola tsisy niantsa
(Nalaina tao amin'ny vetso.serasera.org)
JAMBA HONO AHO…‘Lay ianao nitopy ahy, izay tsy tsinjoko akory,
no nilaza ho jamba aho, nefa ianao no toa tsy tony,
fa variana nitia, olon-kafa tsy eto intsony,
no efa toa nanary dia, niaraka amin’ny ràtram-pony.
Jamba hono aho, hoy ny masonao mijery!
‘Zay tsy mba nahita ahy, variana ny nisento irery.
Manimanina azy angamba, sa ianao no mody jamba?
Tsy mahita ny entam-poko, mitady anao mba hotompoiko.
Jamba hono aho, nefa ianao, minia mandika,
tsy mijery ny alaheloko, sy ny ranomaso ritra,
miandry anao, miandry anao!
Fa tena babo, resinao!
Jamba hono aho, ka na dia ny nitopy anao,
Dia isan-javatra tsy vita, eny! Toa ninian-tsy natao.
Jamba hono aho raha toa, ianao miandrandra ny fitiavany!
Ny fitiavantsika roa anefa, tsy nasianao ‘zay lanjany.
RRAG
11 Jona 2012
--------
Rohy:
