‘LAY DINGANA VOALOHANY… (RRAG)

‘LAY DINGANA VOALOHANY…
Fantatrao fa mamatotra ahy, ny tahotro sy ny henatro,
hanatona anao, hilaza izay rehetra am-poko.
Fantatrao aho fa tsy ho sahy, ny hanokatra ny molotro,
ka haneho aminao, ‘lay fitiava-nokoloiko.

Fantatrao ny fahatahorako, ny hiroso haneho ireny,
toky maro sesehena, ho porofon’ny fitiavako.
Mamatotra ahy ny fatorako, mamatotra ahy tsy hiteny.
Mihazona ahy tsy hahaleo-tena, hamaky teny avy eny am-bavako!

‘Lay dingana voalohany, iny dingana iny mihitsy,
no tsy sahiko dikaina, hanatonako anao.
Ilay dingam-boalohany, nataoko toa tsy nisy,
satria niahotra ny saina, ny hamaky izany ho anao.

Fantatrao ny ato am-poko, saingy menatra,
toa miandry vava latsaka, miandry fahasahiana avy amiko.
Ianao nefa tsy foiko, fa ny anatiko matahotra,
tsy hahavita dingana, na dia mavesatra tsy tantiko.
RRAG
21 Febroary 2012
--------