MARIAZY NOFINOFY… (RRAG)
Mbola tsisy niantsa
(Nalaina tao amin'ny vetso.serasera.org)
MARIAZY NOFINOFY…Tsy tiako higadona ny ankaso,
hitondra ilay maraina vao,
sy izay hamboraky ny ampitso,
ilay andro fantatrao.
Fa hifaranan’ny nofiko,
hiatoan’ny tositosiko,
hiantombohan’ny sedram-piainana,
hialohavam-panaintainana.
Mariazy nofinofy,
mitondra ràtra fa tsy soa.
Nahatonga fo ho farofy,
nihibo-pery tao am-po.
Tsy tiako ho voadingana ny alina,
na ora tokana ihany aza.
Ny nofiko toa mahamanina,
indrisy nofy! Nofin-jaza.
Mariazy nofinofy,
voadim-po anaty nofy.
Fahasambarana indray alina,
fery toka-mahafanina.
Mariazy nofinofy,
tiako ianao, fa tsy mba nofy,
fa dingana iray no vita,
dia novinidim-po anapitr’isa!
Raha toa ka hotanana,
ny nofinofim-pahasambarana.
RRAG
11 Jona 2012
--------
Rohy:
