Ampidiro aloha ny tenimiafina
MIRA... (RRAG)
Pas encore lu
(Nalaina tao amin'ny vetso.serasera.org)
MIRA...Toa tsy feno toa tsy banga,
irony tsiky fialofana,
nihenkena kely angamba.
Sa kosa sendra fahalovana?
Dia nieza-nampitony,
ny eritreritra tsy zaka.
Ilay sariaka tsy eny intsony,
fa niara-levona amin'ny lasa.
Mira! Mitovy saingy tsy sahala,
fa samihafa volon-doko.
Ilay adin-tsaina manadala,
no indrao nivadika ho toloko.
Mira! Fampitaha ny tsy mitovy,
fanombam-pitoviana.
Saingy ity koa mba tsarovy,
tsy vidim-bola ny hafaliana.
Mira! Sahalahala fa hafa toko.
Mitamberina ho tsiahy.
Misy any mitsitoko,
ory hatramin'ny fanahy.
RRAG
29 Jolay 2020
--------
Lien:
