MISAONA NY FONY! (RRAG)
Mbola tsisy niantsa
(Nalaina tao amin'ny vetso.serasera.org)
MISAONA NY FONY!Lasana namonjy ny Ray!
Namonjy ny fiainana mandrakizay.
‘Lay tokan’ny fony tsy manan-takalo.
‘Lay notsiriritin’ny fon’ny mpandalo.
Nisaona ny fony,
nandresy ny ankaso!
‘Reo ràtra tsy tony,
notinefen-dranomaso.
Kanefa indrisy fa vao mainka nitoetra.
Mody nisangy kay tena nisetra!
Nandrangitra mihitsy ‘lay fo ‘zay misaona,
tsy tonin’ny volana na lefin’ny taona.
Misaona ny fony,
toa velon-tomany,
ka tsy mety ho tony.
Fa efa lavo nazeran’ny tany!
Misaona ny fony,
fefen-draho-mainty.
Ahian-tsy hitony,
ny fery lanjainy.
Tsy tantiny intsony,
fa mafy fiantonta,
manery ny fony!
‘Lay bokim-piainana,
mirakitra ny lasa,
izay efa tonta.
RRAG
Febroary 2012
--------
Rohy:
