MITSINGERINA… (2012) (RRAG)

MITSINGERINA…
Toa tsy nofy intsony,
‘ty androm-pahatsiarovana,
mitsingerina anio!
‘Lay andro hany tokana,
tsy foana na hodorana,
tsy lefin’ny tadio!

Arahabaina ianao,
inty! Raiso ny tanako!
Arahabaina ianao,
etsy! Hofihiniko rahavako!
Fa andronao anio,
ka aleo tsy holalovana!
Dia izao no tadidio,
fa ny androm-pahatsiarovana,
dia tsy hisy tahaka io!

Mitsingerina androany,
ilay nahaterahanao!
Ka ny foko manontany,
hoe: “Mbola zaza ve ianao,
no mila tosika hatrany?”
Raha vao hiampita ady mafy,
migogogogo mitomany!
Moa sendra kapoka tsy tanty!

Mahereza fa lehilahy,
lohan’ny fianakaviana!
Mitsangana rehefa sahy,
asehoy an’ilay tiana,
izay minia tsy mijery,
fa manankambo koa ianao!
Na dia mody tsy miteny!
RRAG
Aprily 2012
--------