MIVARO-PASANA… (RRAG)
Mbola tsisy niantsa
(Nalaina tao amin'ny vetso.serasera.org)
MIVARO-PASANA…Efa adala tokoa angamba,
ka tsy menatra intsony.
Atao mody jamba,
nefa gaigy mihitsy itony.
Aiza ka dia fasana avy,
no atao fitady vola!
Tsy mahalala izay fady,
fa angaha dia diso maty noana?
Efa toa tsisy hasina,
na lanjany intsony!
Manao varotra miafina,
ka ny fasana no hafoy.
Very saina mihitsy!
Olon- tsy misy dikany!
Na dia tena hoe tsy misy,
dia atao tsy misy vidiny,
ny fasan-drazana niaviana!
Ny tody mety tsy hianjera,
ny lahatra koa toa tsy hamingana!
Fa aiza ny hasim-pirenena?
Ny fotony aza toa efa ringana!
Nosoketainy ny asa vita,
dia nodorany ho lasa lavenona!
Norotehiny tsy ho very sy tsy ho hita,
nototofany mba ho hafenimpenina!
Ka na ny tsiny aza mety tsy hitsitsy,
fa hikapoka hiezaka hanitsy.
Hananatra sy hanafay anao,
ry olombelona mpiraorao.
Mpivaro-pasan-tsy mataho-tody,
tsy mihevitra ny ho olona mody,
am-pasa-natao ilevenana,
faka hitsirim-panenenana!
RRAG
24 Aprily 2012
--------
Rohy:
