NAILIKAO… (RRAG)
Mbola tsisy niantsa
(Nalaina tao amin'ny vetso.serasera.org)
NAILIKAO…Noraisiko mora,
ireo rantsan-tananao.
Dia mba nofihiniko!
Nofihiniko mafy,
nataoko teo an-tratrako.
Hiheno ny fitepo!
Fitepon’ny foko,
izay ao anatiko ao.
Nampanatoniko mora,
ny molotrao roa,
ny molotro hanoroka.
Satria mba noheveriko,
fa babo toy ny ahy.
Izato fonao!
Saingy indrisy!
Indrisy fa toa eso,
naraham-pandatsana,
sy nailikao,
‘ty fitiavan’olo-adala.
Mba nampiantrano sento,
noho ny fiheverana,
fa ianao no fanaperana.
Tokan’eto an-tany,
lavitra tomany!
Mba nalefako ny tanako,
ny hisafosafo anao.
Nakomboko ny vavako,
raha vao niteny ianao.
Nefa, tsy nahazoako sitraka,
fa fanilihana avy hatrany.
Aoka e! Tena aoka ihany!
RRAG
Jolay 2012
--------
Rohy:
