NANDA HO RENY...! (RRAG)
Mbola tsisy niantsa
(Nalaina tao amin'ny vetso.serasera.org)
NANDA HO RENY...!Nifidy ny lohany ka matahotra inona?
Nilakanilaka nidera ho tiana!
Ain-jazakely novidiana ohatrinona?
No dia nalana rehefa tsy nirina!
Manankasina ny aina nalatsa-tsy fidiny!
Fa hoe tsy vonona ny hitaiza sahady!
Na kely sy bitika aza iny, misy vidiny!
Iny akory tsy nahalala izay hoe zava-pady,
fa ary tsy fidiny,
ary tsy mba safidiny!
Nandà ho Reny dia nandatsak'aina!
Kanefa safidy ilay namolavola!
Dia injay novonoina ilay sombin'ny aina!
Fa mbola tamana amin'ny revy sy dola!
Ka tsy te ho Reny,
dia nandringan-tsy ankiteny!
RRAG
30 Mey 2021
"Ho an-dRafieritreretana!"
--------
Rohy:
