NANGINA AHO… (RRAG)

NANGINA AHO…
Nangina aho,
satria tsy nohenoinao.
Nangina aho,
tsy mba nitalaho,
satria ny hafatra nampitaiko,
tsy mba nisy valiny.
Ireo dingam-bitako,
tsy nasianao maminy.

Nangina aho,
na dia hoe tia.
Nangina aho,
nihiboka fitia,
ho ahy irery!
Nangina aho,
fa tsy nisy mba nijery.

Nangina aho,
noho ireny vita ireny.
Nangina aho,
dia mba mody tsy niteny.
Saingy ity no mba tsarovy,
fa isika tsy mitovy.
Satria ianao toa mora lao,
dia mbetika etsy fa handao.

Nangina aho,
na tsy nampanginina aza.
Nangina aho,
fa tsy mba nivazavaza.
Nefa ianao ity mahasosotra!
Nangina aho,
dia nanaikinaiki-molotra.
RRAG
Jolay 2012
--------