NIANATRA NITIA... - RRAG

Azo vakiana?

NIANATRA NITIA...
Nianatra nitia, dia sendra ny voafila...
Naniry ny hiara-dia, toa voailika tsy nila...
Nizara izay ho mamy, nefa nigo-matsatso...
Dia ranomaso foana, nirotsa-tsy niato.

Nianatra nitia, sendra taola-mafy...
Niezaka nanaja, fa tojo mpampirafy...
Nigoka ngidim-piainana, nihevitra ho tafita...
Kinanjo ilay notiavina, efa any ampita,
nanaraka olon-kafa, toa tsy mba nihafahafa,
nandao anao irery, higogo anaty ràtra.

Sinaingy ianao niverina, nikaroka azy fatratra...
Fa hoe ilay natolony, no kanto sady lafatra...
Sendra tojo amboa, mitafy hodi-janak'ondry,
toa anao ihany, ilay niantsony tody...

Nianatra nitia, namindra voa an-kafa...
Nitsiry ka namony, voafafa teo ny lasa...
Ny anaranao nodorany, tam-pony mandramaty...
Hay ve ianao ihany e? No tena tsy nahatanty...
RRAG
22 Jona 2022

Mombamomba

Mpanoratra : RRAG

Nampiditra : RRAG
Daty : 23/06/2022
Mpamangy : 186
Mankafy : 0

Tononkalo hafa

IZANY VADY IZANY…
EO...! (19 Janoary 2022)
IZAHO...! (25 Febroary 2022)
KOA RAHA TSY MITAPY…
INDRISY...! (18 Aprily 2022)
INDRAY NITETE...
TSIARO TIANA...
NISARAKA HONO…!
"LOVE" AKIA NY FO A!
VATO MIKITOANTOANA…