OZATRY NY FIAINANA… (RRAG)
Mbola tsisy niantsa
(Nalaina tao amin'ny vetso.serasera.org)
OZATRY NY FIAINANA…Rehefa hitanisa hoe: “Ozatry ny fiainana”,
dia Ravola izay, no mby ao an-tsaina.
Rehefa mahatsapa, ny fanaintainana,
dia Ravola ihany, no tinady sy ilaina.
Ka rahoviana moa Ravola, vao tsy hotadiavina?
Handaniam-potoana, andro aman’alina!
Rehefa mitafatafa eny, dia Ravola izay resaka!
Rehefa misy iray miteny, dia resa-bola koa betsaka!
Dia izy ve no ozatra, ozatry ny fiainana eh?
Nefa toa ‘ndraindray, foto-panaintainana!
Vola, efa toa mandrera-tsofina!
Vola, resa-mampimonomonona!
Nefa, mbola vola, dia vola, vola ihany!
Io hatrany, no fototrao ry ‘lay tomany.
Hiadivana aman’olona!
Hamoteham-piarahamonina!
Hamonoana ny hafa!
Ity vola mampandatsa!
RRAG
11 Jona 2012
--------
Rohy:
