POETA NY FIAINANA... - RRAG

Azo vakiana?

POETA NY FIAINANA...
'Ndry toa taitra torimaso misasak'alina e!
Dia manakorisa penina handrafitra an-ditera
ny tsapan'ny fanahy am-paralalin
‘ny fihodinkodin-dera!

Iza indray izany no 'ndeha hotantaraina,
laizana fa voadonan'ny fifofofofon'ny fitiavana?
Iza ilay sakaiza ambara ho very saina,
torovanan-tsento lalina fa hoe namoy havana?

Aia ilay tanàna hifamahoan'ny sedra
mbamin'ny hafalian-tsy takatra ho takarina?
Oviana izany ny ora, hitsaikan-tsegaondra
hanombohan'ity tantara marina?

Dia handeha ny tany ho any,
ny tetsy sy teroa,
ny tsiky sy tomany
mbamin-dràtram-po,
miary irony sento
sy tsiky an'endri-tava!
Ho voatantara eto
hatramin'ny fahazaza!

Fa Poeta ny fiainana na tsisy rafi-teny
hanoritra ny tazana, handrafitra 'zay hita!
Ny fiainana Poeta e! 'Lay miezaka ombeny,
maneho an-tsarin-tsaina, ny hafa-tiany hampita.

Fa moa, Poeta koa ianao,
mpanoritra isan'andro ny endri-draorao,
hadonan-daha-boasoritra?
Sinaingy zary vetso, fiventin'itsy molotra!

Poeta ho'aho ny fiainana,
mampisy ny tsy misy dia mamafa izay mipetraka.
Poetam-pitarainana,
an'ainga tsy ho tinakatra, fotsiny, mahavalaketraka!
RRAG
19 Aogositra 2021

Mombamomba

Mpanoratra : RRAG

Nampiditra : RRAG
Daty : 30/09/2021
Mpamangy : 295
Mankafy : 0

Tononkalo hafa

IZANY VADY IZANY…
EO...! (19 Janoary 2022)
IZAHO...! (25 Febroary 2022)
KOA RAHA TSY MITAPY…
INDRISY...! (18 Aprily 2022)
INDRAY NITETE...
TSIARO TIANA...
NIANATRA NITIA...
NISARAKA HONO…!
"LOVE" AKIA NY FO A!