RAOZY IRAY TOA ANAO… (RRAG)
Mbola tsisy niantsa
(Nalaina tao amin'ny vetso.serasera.org)
RAOZY IRAY TOA ANAO…Raozy iray ‘zay toa anao, no tinazako avy ilavitra.
Manahaka izato endrikao, mahavariana mahafinaritra.
Toa malazolazo felana, tsy takatr’orana angamba.
Toy ny raozy amoron-tevana, toy ny raozy iray ‘zay jamba.
Jamba resin’ny fitiavana, natositosika fa osa.
Irery tsy mba mana-namana, raha misy aza toa hifosa.
Raozy iray toa anao, toa anao ‘lay nila tosika.
Zana-draozy mbola vao, afovoan’ny tsipolitra.
Afovoan-tsedra maro, mila tanana hisintona.
Anaty ankaso mifangaro, sendra fo iray nirintona.
Tsy nahatsiaro tia intsony, nanadino ny efa vita.
Raozy foana iny, na dia hodianao tsy hita.
Raozy iray toa anao, mba solafaka famindra.
Saingy mafy noho ny anao, ny fery entiny ao anaty.
Ny omaliny ihany koa, tsy mbola nisy voarindra.
Ny ankamaroan’ny raviny aza, mihintsankintsan-tady ho faty.
RRAG
05 Septambra 2004
--------
Rohy:
