ROVI-BORO-DAMBAKO… (RRAG)

ROVI-BORO-DAMBAKO…
Na tsy misy aza hotafiana,
anatin’ity alina,
izay alina mangina,
mampisento lalina.
Dia tsy hiangavy anao aho,
na ihany koa hitalaho,
ka hiladilady eo aminao,
noho ‘ty loza mifamaho.

Na tsy hisy aza hanina,
azo atao tohan’aina.
Dia ny fo izay manina,
tsy havela hiasa saina,
hitsiaro anao indray,
sao mainka indray ho may.

Ka ny rovi-boro-dambako,
no ataoko fitafiana.
Ny vidin-kasasarako,
no hikarohako ‘zay ho haniko.
Fa tsy mila fanampiana,
mety hivadika ho tomaniko.

Ny rovi-boro-dambako,
izay sisan-jaoridira,
izay eo an-tanako,
fa tsy hilàna fanampiana,
no entiko misedra,
izay hatsiaka mamanala.
Ka ialàko ilavitra,
ny hiantso anao malala.
RRAG
Jolay 2012
--------