RY ANJELY… (RRAG)
Mbola tsisy niantsa
(Nalaina tao amin'ny vetso.serasera.org)
RY ANJELY…Nanao ahoana izato ianao,
ry Anjelim-po mitepo?
Fa ny foko hatramin’izao,
mbola variana ny misento.
Mbola manina ‘reo lasa,
nisy toerana ho anao.
Eny, mbola tena zatra,
ny nandray ny tananao.
Ry anjelim-po misento,
tsarovy ihany aho aty.
Eto indray aho mivetso,
noho ny halalin’ny fitia.
Ka hampangino re ny foko,
na dia manina aza ny any!
Aza avela hitoloko,
sao indray ka hitomany.
Ry anjelim-po misaona,
aza hadino fa ny feriko.
Dia milona eny foana,
toa zary lasa misiteriko.
Fafao mangina an’efi-poko,
ireo tantara tsarantsika.
Avelao mba hosoloiko,
tantara iray ‘zay mety hangirana.
Ry anjelim-pon’ny fandeferana,
tsy hiteny intsony aho raha sitrakao!
Hampanginiko ny hatezerana,
izay nazerako, hianjera taminao!
RRAG
11 Jona 2012
--------
Rohy:
