SENTOKO… (RRAG)
Mbola tsisy niantsa
(Nalaina tao amin'ny vetso.serasera.org)
SENTOKO…Ry volana baliaka, tinaratry ny aliko!
Ireo lasantsika, no foto-n’ny tsiaroko!
Ô! Ry kintankeliko iny, ‘lay mamiko sady teliko!
Aoka re ny sentoko, mba tsy ho isam-periko.
Ka ho isam-besa-poko, zogam-pigadrana.
Tsy resin’ny toloko, sy hatsiaka tsy hety hafana!
Ny sento izay zogaina, toa rojo fatotr’aina.
Nitondra zavona hosedraina, anaty tolon’ny maraina.
Ny sentoko angamba, tsy hahita ‘zay mangirana,
fitia miahy jamba, sy fery manahirana.
Ry masoandro vao miposaka, ‘ty oram-be matevina,
aleo aloha hirotsaka, mba hampitamberina,
ny fahatsiarovany ahy, tan-tanim-pahazaza.
Noentanin’ny fanahy, hamerin-tabataba.
Angamba kosa anefa e! Raha ny sentoko…,
tsy ho isan-tsetrasetra, hampihombo indray ny feriko.
RRAG
11 Jona 2012
--------
Rohy:
