SOMBINY…! (RRAG)
Mbola tsisy niantsa
(Nalaina tao amin'ny vetso.serasera.org)
SOMBINY…!Injay fa toa mitroatra, mikiky mafy anaty,
mandoro ny atim-pony, mamaivay tsy tanty,
ny afon’ny fitiavany, manosika hitia anao.
Nefa tsy ho voaborany, raha toa ka mbola izao!
Toa hoe: “Tahirin’iny mantsy”, ka sarobidy loatra,
dia tsy hainy ny mamatra, fa sao indray mihoatra,
manarona izato zinga, ity rano atosatosak’eny.
K’izany no mahatonga, mahatonga azy tsy hiteny!
Tiany ianao kanefa, matahotra ny fony,
manahy ny hiloa-pery, izay mety tsy hitony,
miohatra amin’ny dingana, hatolotry ny hoavy,
manahy mafy ery, ny hilaozanao sahady.
Sombiny ianao, satria sila-panahiny,
sombiny ianao, ‘lay fototry ny ahiahiny.
Saingy sombintsombiny, tsy afaka ny otazany,
sombintsombiny ihany, tsy hanaraka ny lalany.
Ianao mantsy any, toa hoe mitia olon-kafa,
izay no hany reny, tamin’irony tafatafa,
nataonao taminy, fa toa hoe: “Mpinamana ianareo”.
Ka raha ny hiandry anao dia, foana ny hatreo.
RRAG
02 Martsa 2018
--------
Rohy:
